හිටපු අගමැති මහින්ද රාජපක්ෂ නැවතත්අගමැති ධූරයට පත් කරන්නට යන ආරංචි පසුගිය සතියේ දේශපාලන ක්ෂෙත්‍රය තුළ පැතිර ගිය අතර ඕනෑම විටක තම පුටුව නැවත මහින්දට පැවරීමට සූදානම් බවට දිනේෂ් ගුණවර්ධන වත්මන් අගමැතිවරයාද දන්වා තිබුණ බව ඒ සමග කියැවිණි.
මේ අතර සතිඅන්ත පුවත්පතක නියෝජිතයෙකු හිටපු ජනපති මහින්ද රාජපක්ෂ අමතා මේ ගැන විමසීමක් කර තිබේ. එහිදී මහින්ද රාජපක්ෂ කියා ඇත්තේ, තමන් පක්ෂ නායකයෙක් මෙන්ම පක්ෂයට සම්බන්ධ දේශපාලන පෙරමුණේ ප්‍රධානියාද වන බවයි. එබැවින් පක්ෂය ගන්නා තීන්දුවකට හිස නැමීම තමන්ගේ ප්‍රතිපත්තිය බව කියා තිබේ.
‘කොහොම වුණත් දිනේෂ් අගමැති තනතුර හොඳින් කරනවනෙ.. එයාගෙ තනතුර ඉවත් කරන්න මට පුද්ගලික උවමනාවක්නම් නැහැ..‘ මහින්ද ඒ සමග කියා තිබේ.
මහින්ද රාජපක්ෂ අගමැති ධූරයෙන් ඉවත්වූයේ පසුගිය වසරේ මැයි 09 වනදා වන අතර එදින එම තීන්දුව සමග ඇතිවූ කලබලකාරී තත්වය සිදුවූ ලේ වැගිරීම් නිවාස ගිනි තැබීම් ආදිය ඉතිහාසයේ කළු පැල්ලමක් ලෙස සටහන්ව තිබේ.
