ඉන්දියාවේ ඉහළම ධනවතුන්ගේ ලැයිස්තුවේ සිටින බොලිවුඩ් නිළි අනුෂ්කා ෂර්මා සහ ක්‍රිකට් ක්‍රීඩක විරාත් කෝලි විවාහක යුවළ බ්‍රහස්පතින්දා ඔවුන්ගේ ලාභ නොලබන වැඩසටහන වන ‘SeVVA‘ ගැන විශේෂ නිවේදනයක් කළ අතර, එය අවශ්‍යතා ඇති අයට උපකාර කිරීම අරමුණු කරගත් බව යුවළ පැවසූහ. අනුෂ්කා සහ විරාත් මෙම ඒකාබද්ධ ලාභ නොලබන වැඩසටහන දියත් කිරීම සඳහා ඔවුන්ගේ අනුෂ්කා ෂර්මා පදනම සහ විරාත් කෝලි පදනම ඒකාබද්ධ කිරීමට තීරණය කර ඇත.
ප්‍රකාශයක් නිකුත් කරමින්, යුවළ SeVVA සඳහා අත්වැල් බැඳ ගැනීමට තීරණය කර ඇති බවත් එහි කාර්යය “විශේෂිත ගැටලුවකට සීමා නොවන” බවත් සඳහන් කර ඇත. ඒකාබද්ධ ප්‍රකාශය මෙසේය,
“කාලිල් ජිබ්‍රාන්ගේ වචනවලින් කිවහොත්, ‘ඇත්ත වශයෙන්ම උපකාරය ජීවිතයට ලබා දෙන්නේ ජීවිතයයි- ඔබ දෙන්නෙකු ලෙස සලකන කළ ඔබ සාක්ෂිකරුවෙකු පමණි’. මෙම හැඟීම මනසේ තබාගෙන, හැකිතාක් පිරිසකට ළඟාවීම අරමුණු කරගනිමින් අපි SeVVA හරහා එක්ව කටයුතු කිරීමට තීරණය කළෙමු. අද කාලයේ අවශ්‍යතාවය වන මනුෂ්‍යත්වය වෙනුවෙන් පෙනී සිටිමින් සමාජ යහපත සඳහා අඛණ්ඩව උත්සාහ කරන බැවින් SeVVA හි කාර්යය විශේෂිත කරුණකට පමණක් සීමා නොවනු ඇත. “
මේ දක්වා විරාත් ක්‍රීඩා සඳහා ශිෂ්‍යත්ව ලබා දීමටත් ක්‍රීඩක ක්‍රීඩිකාවන්ට අනුග්‍රහය දැක්වීමටත් කටයුතු කරමින් සිටි අතර අනුෂ්කා ද සත්ව සුබසාධන කටයුතු සඳහා දිගටම සම්බන්ධව සිටියාය. ඔවුන් දෙදෙනා එක්ව SeVVA හරහා ඊටත් වඩා සේවාවක් කරන්නට අපේක්ෂා කරන බව කියැවේ.
